PJESA 1: ÇFARË ËSHTË VIDEO ART? - Lindja e Video Art

PJESA 1: ÇFARË ËSHTË VIDEO ART?  

 

Lindja e Video Art

Një pjesë e rëndësishme e historisë së artit bashkëkohor!

 

Nga Revista ARTSPER

 

Video Art është njëherësh një lëvizje artistike, e kufizuar në kohë, me artistët dhe gramatikën e saj, por gjithashtu një medium i shprehjes artistike, i aksesueshëm për të gjithë. Sot, Video Art, është një pjesë e rëndësishme e historisë së artit bashkëkohor. Por Video Art ka evoluar shumë që prej lindjes së tij në vitin 1960, dhe që vazhdon të rishpikë veten nëpërmjet inovacioneve teknologjike  dhe përdorimeve të reja. Megjithatë, është e vështirë të bëjmë dallimin ndërmjet Video Art dhe kinemasë, televizionit, apo videove muzikore...Kështu, me gjithë këtë heterogjenitet stilesh, le të përpiqemi të kuptojmë se çfarë është Video Art. 

 

Siç tregohet në historinë e artit, Video Art lindi një mëngjes të bukur në mars 1963, në galerinë Parnassus. Ajo ndodhet në Wuppertal, një qytet i vogël me 300,000 banorë afër Düsseldorf-it. Ndoshta, ka qenë ftohtë.

 

Atë ditë, Nam June Paik prezantoi 13 televizione. Këto televizione të vjetra që prej asaj kohe konsiderohen pjesë e arkeologjisë së teknologjisë. Por në atë kohë, me tubat e tyre të rrezeve katodë të cilat prodhonin ngjyra në ekranët e vegjël, ato ishin xhevahirë të inovacionit. Por mbi të gjitha, nga vitet 1960 e më tej, ato janë kthyer në simbole të argëtimit në masë dhe të shoqërisë konsumatore dhe të ‘qejfit’. Nam June Paik i përdori këto ekranë të vegjël, dhe mbi to vendosi një magnet të madh. Duke vepruar kështu, imazhi shformohet, përdridhet, dhe përfundon duke i përngjarë një forme spektrale dhe haluciogjene, gati për të na hipnotizuar...

 

Imazhi 1: Bill Viola, Stacionet, 1994

 

Imazhi 2: Nam June Paik, Ekspozitë e televizionit të muzikës elektronike, 1963

 

Burimi: https://blog.artsper.com/en/a-closer-look/what-is-video-art/

 

Copyright i përkthimit www.enkeledasuti.com

Përzgjodhi dhe përktheu Enkeleda Suti.