PJESA 3: ÇFARË ËSHTË VIDEO ART? - Artistët e mëdhënj të videos

PJESA 3: ÇFARË ËSHTË VIDEO ART?

Artistët e mëdhënj të videos  

Nga Revista ARTSPER

 

Bill Viola, për shembull, është një mjeshtër i Video Art-it. I ardhur nga gjenerata e dytë e artistëve të videos, ai adreson tematikat kryesore të historisë së artit: jetën, vdekjen, natyrën, elementët, të bukurën. Kamera zëvendëson penelin. Ai e trajton këtë kërkim me kujdes të thellë artistik. Kështu, spektatori ftohet thuajse në një shijim religjoz të veprës së tij.

 

Sot, Video Art ka pushtuar institucionet e botës së artit. Nuk është e pazakontë të gjejmë brenda një ekspozite bashkëkohore arti një vepër apo një instalacion multimedia që përzien imazhin, tingullin, artin pamor dhe video.

 

Për më tepër, është interesante të vëmë re se në Indeksin e Artit (një klasifikim i cili i rendit arsitët sipas numrit të shfaqjeve që ata bëjnë në media dhe institucione), ne gjejmë të paktën 4 artistë të videove në top 10-shen e artistëve të cilët konsiderohen si më të rëndësishmit në artin bashkëkohor.

 

Këta katër artistë të cilët kanë një lidhje me Video Artin, dhe që janë shenjtëruar nga bota e artit në një shkallë ndërkombëtare, janë Bruce Nauman, Cindy Sherman, William Kentridge dhe Pipilotti Rist.

 

Për shembull, vepra e Pipilotti Rist është e rëndësishme në proporcionet që ka fituar Video Art në dekadat e fundit. Në vitin 2016, ai u përzgjodh të ekpozonte punën etij në Times Square (në Nju Jork). Vepra përbëhet nga 62 video, të një madhësie monumentale, mu në mes të të gjithë ekraneve reklamues në Times Square. Mbi këta 62 ekranë, të cilat shfaqen për disa ditë, tregohen video të shumta. Aty, në mes të një prej shesheve më emblematike të kapitalizmit, ajo përplas fytyrën e saj përkundër një dritareje të vendosur vetëm pak centrimetra larg lenteve të kameras. Fytyra e saj shformohet, tualeti hapërdahet, ajo vë në pikëpyetje brutalisht, vështrimin që spektatori ka për bukurinë femërore.   

 

Imazhi: Pipilotti Rist, Hape lëndinën time, Times Square, 2016

 

Burimi: https://blog.artsper.com/en/a-closer-look/what-is-video-art/

 

Copyright i përkthimit www.enkeledasuti.com

Përzgjodhi dhe përktheu Enkeleda Suti.